ការ​ត្រួត​ពិនិត្យ​ផលិតផល​ថ្នាំ​ជក់

          កាលពីថ្ងៃអង្គារ ១២កើត ខែកត្តិក ឆ្នាំជូត ត្រីស័ក ព.ស២៥៦៥ ត្រូវនឹងថ្ងៃទី១៦ ខែវិច្ឆិកា ឆ្នាំ២០២១ ក្រសួងសុខាភិបាលដែលមាន មជ្ឈមណ្ឌលជាតិលើកកំពស់សុខភាព ជាសេនាធិការ បានរៀបចំកិច្ចប្រជុំលើកទី២នៃគណៈកម្មាធិការត្រួតពិនិត្យផលិតផលថ្នាំជក់ ក្រោមអធិបតីភាពដ៏ខ្ពង់ខ្ពស់របស់ឯកឧត្តមវេជ្ជ. អុឹង ភីរុន រដ្ឋលេខាធិការក្រសួងសុខាភិបាល និងជាអនុប្រធានអចិន្រ្តយ៍នៃគណៈកម្មាធិការត្រួតពិនិត្យផលិតផលថ្នាំជក់់ ដោយមានសមាជិកអង្គប្រជុំសរុបចំនួន៦៨ នាក់អញ្ជើញមកពីបណ្តាក្រសួង និងរាជធានីខេត្ត ដែលជាសមាជិកគណៈកម្មាធិការ លេខាធិការដ្ឋាន មន្ទីរសុខាភិបាលនៃរដ្ឋបាល ២៥ រាជធានី ខេត្ត និងអង្គការសុខភាពពិភពលោក។

សមិទ្ធផលការងារត្រួតពិនិត្យផលិតផលថ្នាំជក់មាន៖

១.ការដាក់សារព្រមានសុខភាពជាភាសាខ្មែរនិងជារូបភាព លើកញ្ចប់ផលិតផលថ្នាំជក់ ទំហំ៥៥% សម្រេចបានតាមសូចនាករ។ កន្លងទៅនេះក្រសួងសុខាភិបាលបានចេញសេចក្តីណែនាំថ្មី ដោយតម្រូវឱ្យគ្រប់ក្រុមហ៊ុនផលិតផលថ្នាំជក់ទាំងអស់ត្រូវបោះពុម្ពសារព្រមានសុខភាពជាភាសាខ្មែរ និងជារូបភាពលើកពា្ចប់ផលិតផលថ្នាំជក់ថ្មីពីរទៀតគឺ រូបភាពជក់បារីបណ្តាលឱ្យកើតជំងឺហើមសួត និងរូបភាពជក់បារី បណ្តាលឱ្យកើតជំងឺបេះដូង។

          របាយការណ៍​ឆ្នាំ​២០១៦-២០១៧​នេះ បង្ហាញ​ពី​សមិទ្ធផល​នានា​ដែល​សម្រេច​បាន​ស្រប​តាម​គោលការណ៍​ណែនាំ​ទាំង​៦ របស់​អង្គការ​សុខភាព​ពិភពលោក ដើម្បី​ទប់ស្កាត់​ការ​រាលដាល​នៃ​ការ​ប្រើប្រាស់​ផលិតផល​ថ្នាំ​ជក់​លើ​សកលលោក។

នៅប្រទេសកម្ពុជា ការស្ទង់មតិនេះធ្វើឡើងដោយ​មជ្ឈមណ្ឌលជាតិលើកកំពស់សុខភាព នៃក្រសួងសុខាភិបាល។ អត្រាឆ្លើយតបជាទូទៅគឺ៨១%។ សិស្សចូលរួមដែលបានបំពេញការស្ទង់មតិនេះមានចំនួនសរុប៣៧១៦នាក់ ពីថ្នាក់ទី៧ដល់ទី១២ ដែលក្នុងនោះមានសិស្សចំនួន១៨៦៦នាក់ ។