ការ​ផ្សព្វផ្សាយ

សកម្មភាពរៀបចំបិតតាំងបដារ សម្រាប់ការបើក "យុទ្ធនាការរួមគ្នាទទួលខុសត្រូវទប់ស្កាត់ការចម្លងជំងឺកូវីដ-១៩" នៅថ្ងៃទី ១៦ ខែសីហា ឆ្នាំ២០២១ ។ សូមបងប្អូនចូលរួមទាំងអស់គ្នាដើម្បីប្រទេសយើង សង្គមយើង គ្រួសារយើង ឆាប់រួចផុតពីស្ថានភាពលំបាកនៃជំងឺកូវីដ-១៩ ។

         ដើម្បីសម្រេចនូវចក្ខុវិស័យរបស់មជ្ឈមណ្ឌលជាតិលើកកំពស់​សុខភាពដែល​ចែងថា "លើក​កម្ពស់​ការ​រស់នៅ​ប្រកប​ដោយ​សុខមាលភាព​សម្រាប់​ប្រជាជន​កម្ពុជា​ទាំងអស់ ដើម្បី​កាត់​បន្ថយ​អត្រា​ឈឺ, អត្រាមរណភាព, ការ​ចំណាយ​របស់​ប្រជាជន ទៅ​លើ​បញ្ហា​សុខភាព និង​លើក​កម្ពស់​គុណភាព​ជីវិត" នោះមជ្ឈមណ្ឌលជាតិបាន​អនុវត្តបេសកម្មចម្បងៗរួមមាន ការផ្លាស់ប្តូរឥរិយាបថអ្នកផ្តល់សេវា និងអ្នកទទួលសេវា, ការលើកកម្ពស់សុខភាព ទាំងការអប់រំសុខភាព និងកិច្ចសហការជាមួយវិស័យពាក់ព័ន្ធសំខាន់ៗ ព្រមទាំងអាជ្ញាធរគ្រប់ជាន់ថ្នាក់ ។ល​។ ការប្រាស្រ័យទាក់ទងហានិភ័យ (Risk Communication) ជាវិធីសាស្រ្តដ៏មានឥទ្ធិពលមួយក្នុងការសម្រេចនូវបេសកកម្មខាងលើ ។ មជ្ឈមណ្ឌលជាតិលើកកំពស់សុខភាពដែលជាសេនាធិការរបស់ក្រសួងសុខាភិបាល ត្រូវបានចាត់តាំងជាក្រុមប្រតិបត្ដិ, ការអប់រំបណ្ដុះបណ្ដាល, និងទំនាក់ទំនងសាធារណៈ ដើម្បីចូលរួមផលិតសម្ភារអប់រំផ្សព្វផ្សាយ និងពង្រឹងការចូលរួមរបស់សហគមន៍ក្នុងការឆ្លើយតបនឹងជំងឺកូវីដ-១៩ ។

ភាគច្រើនអ្នកស្រុកភូមិតែងតែលើកឡើងថា "សុខភាពមានតម្លៃមិនអាចកាត់ថ្លៃបាន" ឬ "សុខភាពពុំមានលក់ដូរនៅទីផ្សារទេ" ។ អញ្ចឹងការថែទាំសុខភាព​គឺជាកាតព្វកិច្ចរបស់​បុគ្គលគ្រប់រូប ខានមិនបាន ។ មនុស្សមានវិញ្ញាណ៥ គឺ ចក្ខុវិញ្ញាណ, សោតវិញ្ញាណ, ឃានវិញ្ញាណ, ជីវ្ហាវិញ្ញាណ, និងកាយវិញ្ញាណ (ភ្នែក, ត្រចៀក, ច្រមុះ, អណ្តាត, និងស្បែក) វាជាសរីរាង្គដែលមនុស្សអត់វាមិនបាន ឬបើបាន ហាក់ដូចជាខ្វះអ្វីមួយ ឬមានអារម្មណ៍តប់ប្រមល់ ។ល។ ហេតុនេះ​ហើយបាន​ជា​ក្រោម​កិច្ចខិតខំ​ប្រឹង​ប្រែងរបស់មជ្ឈមណ្ឌលជាតិលើកកំពស់សុខភាពដែល​ជាសេនាធិការឳ្យក្រសួងសុខាភិបាលលើការងារផ្លាស់ប្តូរឥរិយាបថដើម្បីសុខភាព, បានធ្វើយុទ្ធការ "លុបបំបាត់ជំងឺភ្នែកឡើងបាយ" ប្រកបដោយ​ផ្លែផ្កានៅ​ខេត្តកំពង់ចាម កាលពីពាក់កណ្តាលឆ្នាំ២០១៩ ដោយមានការជួយឧបត្ថម្ភថវិកាពីប្រទេសចិន​ ក្រោមគម្រោង "ផ្លូវមួយ ខែ្សក្រវ៉ាត់មួយ" ។

          យុទ្ធនាការ​នេះ ចូលរួម​ចំណែក​លើក​កម្ពស់​ស្ថានភាព​អាហារូបត្ថម្ភ​របស់​កុមារ​កម្ពុជា តាមរយៈ​ការ​បង្កើន​អត្រានៃ​ការ​ផ្តល់​អាហារ​បន្ថែម​សមស្រប​ដល់​ទារក និង​កុមារ​តូច (អាយុ ៦-២៤ ខែ) ដែល​នឹង​ចូលរួម​ចំណែក​សម្រេច​បាន​នូវ​យុទ្ធសាស្ត្រ​ជាតិ​អាហារូបត្ថម្ភ ២០០៩-២០១៥ គោលដៅ​អភិវឌ្ឍន៍​សហស្សវត្សរ៍កម្ពុជា ទី​១ និង​ទី៤ និង​យុទ្ធសាស្ត្រ​ចតុកោណ​របស់​រដ្ឋាភិបាល​កម្ពុជា​។