ការត្រួតពិនិត្យផលិតផលគ្រឿងស្រវឹង

           ផលិតផលគ្រឿងស្រវឹង សំដៅដល់ផលិតផលគ្រប់ប្រភេទដែលផ្សំឡើងពីអេតាណុលលើសពី ១% នៃបរិមាណរបស់ទឹក ឬគួបផ្សំជាមួយសារធាតុដទៃទៀត ដែលបង្កើតឡើងដោយឧស្សាហករគ្រឿងស្រវឹង និងដោយមធ្យោបាយផ្សេងៗទៀត ប្រើប្រាស់សម្រាប់ផឹកដោយផ្ទាល់ ឬដោយទម្រង់ផ្សេងៗទៀត ។ ផលិតផលគ្រឿងស្រវឹងអាចមានផលប៉ះពាល់ច្រើន ដូចជាបញ្ហាសុខភាពដែលបង្កឲ្យមានជំងឺ​ជាង​២០០​ប្រភេទ អំពើហឹង្សា គ្រោះថ្នាក់ចរាចរណ៍ និងភាពក្រីក្រ ជាដើម ។


        គ្រឿងស្រវឹង គឺជាមូលហេតុទី៣ដែលបណ្ដាលឲមានអ្នកស្លាប់នៅលើពិភពលោក ប្រមាណ២.៥លាននាក់ក្នុង១ឆ្នាំៗ ។ ផលិតផលគ្រឿងស្រវឹងមានផលប៉ះពាល់ជាច្រើន ដូចជាបញ្ហាសុខភាពដែលបង្កឲ្យមានជំងឺប្រមាណ២០០មុខ រួមមានជំងឺមហារីកបំពង់អាហារ មហារីក​ថ្លើម ជំងឺ​លើស​សំពាធ​ឈាម ជំងឺ​ស្ទះ​សរសៃ​ឈាម​បេះដូង​-​ខួរក្បាល ជំងឺ​ក្រិន​ថ្លើម រលាក​លំពែង វិកលវិបល្លាសជាដើម ។ ក្រៅពីនេះ គ្រឿងស្រវឹងក៏ជាដើមហេតុនៃគ្រោះថ្នាក់ចរាចរណ៍ ការបាត់បង់សណ្ដាប់ធ្នាប់សង្គម អំពើហឹង្សាក្នុងគ្រួសារ និងបញ្ហាសង្គមជាច្រើនទៀត ។

-- World Health Organization, Global Report on Alcohol and Health 2011

មុខងារ និងការ​ទទួល​ខុសត្រូវ

           ផ្នែក​គ្រប់គ្រង​គ្រឿង​ស្រវឹង​ធ្វើការ​លើការ​កាត់​បន្ថយ​ការ​ប្រើប្រាស់​គ្រឿង​ស្រវឹង ។ ដើម្បី​សម្រេច​បាន​គោលបំណង​នេះ​ ក្រុមការងារ​​បាន​ធ្វើការ​​​បង្កើត​គោលនយោបាយ​និង​ផែន​ការ​យុទ្ធសាស្ត្រ​ជាតិ ដើម្បីកាត់​បន្ថយ​ការ​ប្រើប្រាស់​គ្រឿង​ស្រវឹង និង​រៀបចំ​សេចក្តី​ព្រាង​ច្បាប់​ស្តីពី​ការ​គ្រប់គ្រង​គ្រឿង​ស្រវឹង ។ ផ្នែក​គ្រប់គ្រង​គ្រឿង​ស្រវឹង​ ក៏​​ធ្វើការ​បណ្ដុះបណ្ដាល​ស្តីពី​ផល​ប៉ះពាល់ នៃ​ការ​ប្រើប្រាស់​គ្រឿង​ស្រវឹង​ដល់​មន្រ្តី​សុខាភិបាល ធ្វើការ​សិក្សាស្រាវជ្រាវ​ពី​គោលនយោបាយស្តីពី​ការ​គ្រប់គ្រង​ការផ្សព្វផ្សាយ និង​ការ​ឧបត្ថម្ភ​ដោយឧស្សាហកម្ម​គ្រឿង​ស្រវឹង ។ ផ្នែក​នេះ​​ក៏​មាន​រៀបចំ​យុទ្ធនាការ​ផលិត​ស្ពត​ទូរទស្សន៍ និង​សម្ភារអប់រំសុខភាព​ស្ដីពីផលប៉ះពាល់នៃការប្រើប្រាស់គ្រឿងស្រវឹងផងដែរ​ ។

គោលនយោបាយ និងគោលការណ៍ណែនាំ