Skip to main navigation Skip to main content
ENG ខែ្មរ

មជ្ឈមណ្ឌលជាតិលើកកំពស់សុខភាព

The National Centre for Health Promotion

ចូលមើលបណ្ណាល័យឌីជីថល SBC

សុខភាពបរិស្ថាន និងអនាម័យ

សុខភាពបរិស្ថាន និងអនាម័យ គឺ​ជា​ផ្នែក​មួយ​យ៉ាង​សំខាន់​នៃ​សុខភាព​សាធារណៈ និង​មាន​អត្ថន័យ​ធំទូលាយ ​ដោយ​មិនត្រឹម​តែ​ផ្តោត​ទៅលើ​អនាម័យ​ផ្ទាល់​ខ្លួន​ប៉ុណ្ណោះទេ តែ​ថែម​ទាំង​ទាក់ទង​នឹង​កត្តា​ជាច្រើន​នៃ​បរិស្ថានដូចជា​ការ​ផ្លាស់ប្តូរ​អាកាស​ធាតុ និង​គ្រោះធម្មជាតិ​ផងដែរ ។ 

សុខភាពបរិស្ថាន និងអនាម័យ មាន​សារៈសំខាន់​ណាស់ដោយជួយ​ក្នុង​ការ​ការពារ​ការ​ឈឺថ្កាត់​ តាម​រយៈការ​គ្រប់គ្រង​បរិស្ថាន​ និង​ដោយ​ការ​ផ្លាស់ប្តូរ​ឥរិយាបថ​របស់​ប្រជាជន ដើម្បី​កាត់បន្ថយ​ការ​ប៉ះពាក់​ ភ្នាក់ងារ​ជីវសាស្ត្រ ឬមិនមែន​ជីវសាស្ត្រ ដែល​បង្ក​ជា​ជំងឺ ។

មុខងារ និងការ​ទទួល​ខុសត្រូវ

ផ្នែកសុខភាពបរិស្ថាន និងអនាម័យ នៃ​មជ្ឈមណ្ឌល​ជាតិ​លើកកំពស់សុខភាព ផ្តោតទៅលើការពង្រឹងអនាម័យទូទៅក្នុងសហគមន៍ និងអនាម័យចំណីអាហារសម្រាប់ស្ត្រីមានផ្ទៃពោះ និងក្រោយសម្រាល តាមរយៈការពង្រឹងសមត្ថភាពដល់មន្ត្រីសុខាភិបាល និងគ្រូបង្រៀនតាមសាលាបឋមសិក្សា ស្តីពីអនាម័យចំណីអាហារ ដើម្បីឱ្យពួកគាត់ធ្វើការបណ្តុះបណ្តាលបន្ត ។ លើសពីនេះ ផ្នែកបានបង្កើនសមត្ថភាពដល់មន្ត្រីសុខាភិបាល តាំងពីថ្នាក់មន្ទីរសុខាភិបាលរហូតដល់មណ្ឌលសុខភាព និងអង្គការដៃគូដែលពាក់ព័ន្ធ ស្តីពីអន្តរាគមន៍ដើម្បីផ្លាស់ប្តូរឥរិយាបថអ្នកផ្តល់សេវាដល់អ្នកផ្តល់សេវាសុខភាពក្នុងគោលបំណងផ្តល់ចំណេះដឹង ជំនាញ និងការគិតបែបវិជ្ជមានចំពោះអតិថិជនគ្រប់រូប និងធ្វើការតាមដានការពេញចិត្តរបស់អតិថិជនចំពោះឥរិយាបថរបស់អ្នកផ្តល់សេវាសុខាភិបាល (មន្ទីរពេទ្យខេត្ត និងមន្ទីរពេទ្យបង្អែក) ។

របាយការណ៍

  • ការ​ចុះអង្កេត​អំពី​ផល​ប៉ះពាល់​នៃ​ការ​ប្រែប្រួល​អាកាសធាតុ ក្នុង​ខេត្ត​រតនគិរី

    ការ​ប៉ះពាល់​អាកាស​ធាតុកើតឡើង​ជា​ប្រចាំ​នៅ​ខេត្ត​រតនគិរី ដែល​បណ្តាល​ឲ្យ​មាន​ផល​ប៉ះពាល់​ដល់​សុខភាព​។ គម្រោង​អង្កេត​អំពី​ការ​ប្រែប្រួល​អាកាសធាតុ​ ត្រូវ​បាន​ធ្វើឡើង​នៅ​ឃុំ​ត្រពាំង​ច្រេស ភូមិ​បួន ឃុំ​ត្រពាំង​ក្រហម ភូមិ​មួយ និង​ភូមិ​ច្រប់​ព្រីង ក្នុង​ស្រុក​កូនមុំ ឃុំប៉ុង​ ភូមិ​បានប៉ុង និង​ភូមិ​ហ្វាំង​ ក្នុង​ស្រុក​វ៉ឺន​សៃ ឃុំ​ស៊ើង​ ភូមិ​ក្លិះ និង​ភូមិ​ចេត្រ​ ឃុំ​ឡាមិញ នៅ​ភូមិ​កាម្មាំង​ ស្រុក​បរកែវ ខេត្ត​រតនគិរី។ ការ​សិក្សា​នេះ​ធ្វើឡើ​ង​ដោយ​ប្រើ​វិធីសាស្ត្រ Qualitative ដែល​មាន​ការ​ពិភាក្សា​ក្រុម​ជាមួយ​ប្រជាជន​ចំនួន​៩៣​នាក់ និង​សម្ភាសន៍​ស៊ីជម្រៅ​ជាមួយ​អ្នក​មាន​ឥទ្ធិពល​ចំនួន​២២​នាក់។

    អានបន្ថែម
    Climate_change_impact_-_Ratanakiri_-_2020.pdf
    [Translate to Khmer:]